Tungod sa kalisod sa panginabuhi, usahay dili gyod nato malikayan nga makautang. Gani bisan ang mga dato mangutang man, kita pa kahang naa sa kapit-os sa kinabuhi?
Tinuod, ang utang angayang bayaran. Kay kwarta man kana sa laing tawo, nga atong gigamit alang sa kaugalingong panginahanglan, ug busa kinahanglang atong pasig-ulian. Apan pila na ka ninyo ang nakasuway aning pang-harass nga pagpanukot? Pagpangolekta sa utang nga wala na sa lugar?
Mi-take effect niadtong September 7, 2019, ang SEC Memorandum Circular No. 18, series of 2019. Kining maong regulasyon gikan sa Securities and Exchange Commission (SEC) gipaabot nga makapitol na sa paagi sa koleksyon sa utang aning ubang mga tigpatanto nga makapalagot ug maka-harass.
Matod sa maong regulasyon, sa ilang pagpangolekta, ang mga financing companies ug lending companies kinahanglang mo-observar og good faith ug dili mohimo og “unscrupulous and untoward acts”. Ang pipila ka unfair collection practices, matod sa SEC, mao kining mosunod:
- Ang paggamit o paghadla sa paggamit og violence ug uban pang criminal means to harm the physical person, reputation, or property of any person
- Ang pagpanghadla og aksyon nga dili nila legally mahimo
- Pagpanginsulto, pagtawag og bati, pagbinastos, kang kansang resulta mao ang pag-abuso sa nakautang o di ba kaha ang maong panginsulto etc. krimen ubos sa laing balaod
- Pagpahibalo o pagpublikar sa ngalan ug uban pang personal nga impormasyon sa nangutang, gawas kon mitugot ang nangutang niini, o may kalambigitan kini sa exchange of customer information sa ubang negosyo, o may order sa korte, ubp. – klaro niini nga ang pag-post sa Facebook nga duna kay utang violation. Para nako, lakip usab niini ang pagsumbong adto sa barangay, gawas kon pareho kamo og lungsod o dakbayan nga gipuy-an, tungod kay mosud man sa Katarungang Pambarangay ang inyo kaso
- Pagpahibalo, o pagpanghadlok nga ipahibalo ngadto sa laing tawo sa sayop nga impormasyon kabahin sa utang, lakip ang dili paglakip sa impormasyon nga gi-dispute ang utang
- Ang paggamit og false representation o deceptive means aron makakolekta o makakuha og impormasyon kabahin sa nangutang – lakip na niini ang pagpakaaron ingnong abogado unya matawag sa utangan
- Pagpanawag/pagbisita sa mga oras nga 10:00 P.M. ngadto sa 6:00 A.M., except if milapas na sa 15 ka adlaw ang utang, o mitugot ang nangutang
- Pagkontak sa ubang mga tawo sa contact list sa nangutang, gawas lamang niadtong guarantor o co-maker, bisan pag misugot ang nangutang nga pwede tawagon ang si bisan kinsa sa iyang contact list
Alang sa Lending Companies, ang first violation, P25,000 ang multa; P50,000 sa second violation. Sa Financial Companis, P50,000 sa first violation; P100,000 sa second violation. Hangtod P1,000,000 nga multa sa ikatulong higayon, o suspension sud sa 60 ka adlaw, o revocation sa Certificate of Authority.