Ang Republic Act No. 10175, nga mas nailhan sa ngalang Cybercrime Prevention Act of 2012, nag-define og pipila ka salaod. Kini gibahin ngadto sa tulo ka klase: (a) Offenses against the confidentiality, integrity and availability of computer data and systems; (b) Computer-related offenses; ug (c) Content-related offenses.
Ang unang klase sa mga salaod naglakip sa Illegal Access, Illegal Interception, Data Interference, System of Interference, Misuse of Devices, ug Cyber-Squatting. Ang Illegal Access mao ang pagsulod sa usa ka computer system nga walay katungod nga mohimo sa ingon (hacking). Ang Illegal Interception, pag-intercept nga walay katungod sa usa ka non-public transmission. Ang Data Interference ug System Interference tinuyo nga pag-usab o pagguba sa computer data o computer system. Ang Misuse of Devices naglakip sa paggamit, pagbaligya, ug pag-apud-apod sa usa ka device nga ang primary intent mao ang paghimo sa mga salaod ubos sa balaod. Ang Cyber-Squatting mao ang pagpalit og usa ka domain name (sama sa attyv.com) in bad faith, may katuyoan nga mokita o samokon ang angayang tag-iya sa maong domain name.
Ang ikaduhang klase sa mga salaod naglakip sa computer-related forgery, computer-related fraud, ug computer-related identity theft. Kining maong mga salaod may equivalent sa non-computer systems.
Ang ikatulong klase sa mga salaod mao ang content-related offenses. Kini naglakip sa Cybersex, Child Pornography (gi-criminalize sa R.A. No. 9755), ug Cyberlibel. (Ang Unsolicited Commercial Communications kun spamming gikonsidera sa Supreme Court nga wala mahisubay sa Konstitusyon.)
May krimen usab nga Aiding or Abetting in the Commission of Cybercrime ug Attempt in the Commission of Cybercrime.
Matod sa maong balaod, ang tanang krimen nga gi-define sa Revised Penal Code (RPC) ug sa tanang special penal laws (SPL) committed through information and communication technologies punishable og one degree higher.
Ang korte nga motaral sa tanang Cybercrime mao ang mga specially designated courts. Sa Region VII, kini ang Regional Trial Court Branch 11 sa Cebu City.
Niadtong Hulyo 2019, gi-clarify sa Supreme Court nga ang Cybercrime lamang gayod ang ubos sa hurisdiksyon sa mga Cybercrime Court; ang mga krimen nga naa sa RPC ug SPL adto taralon sa hukmanan nga may territorial jurisdiction sa krimen.
Alang sa inyong mga pangutanang legal, mahimo kamong mo-text sa 0916-664-7624.