Niay pangutana: Mahimo bang matangtang sa posisyon ang usa ka local elected official (mayor, bise-mayor o kaha konsehal sa dakbayan, lungsod, o barangay) tungod kay nagpositibo kini sa paggamit sa ginadiling drugas?
Ang Section 36(d), Article III sa Republic Act No. 9165, ang Comprehensive Dangerous Drugs Act of 2002, nagkanayon: Officers and employees of public and private offices. – Officers and employees of public and private offices, whether domestic or overseas, shall be subjected to undergo a random drug test as contained in the company’s work rules and regulations, which shall be borne by the employer, for purposes of reducing the risk in the workplace. Any officer or employee found positive for use of dangerous drugs shall be dealt with administratively which shall be a ground for suspension or termination, subject to the provisions of Article 282 of the Labor Code and pertinent provisions of the Civil Service Law.
Kining maong seksyon sa maong balaod gi-uphold sa Korte Suprema isip nahisubay sa Konstitusyon sa kasong Social Justice Society v. Dangerous Drugs Board, G.R. No. 157870, November 3, 2008.
Isip pagpatuman sa maong seksyon sa balaod, ang DDB mipagawas sa Board Regulation No. 2, serye sa 2004, niadtong Marso 26, 2004. Ang Section II, par. 2 ug 3 sa maong Board Regulation nagkanayon nga sa ang masakpang positibo sa unang higayon, iklase sa tulo: experimenter – outpatient ug guidance counseling; occasional user – outpatient, guidance counseling, ug urine surveillance; ug chronic user/drug dependent – mandatory nag unom ka buwan nga treatment ug rehabilitation. Sa ikaduhang higayon, mahimo nang masuspenso o matangtang sa serbisyo pinasubay sa Civil Service Law.
Apan niadtong 2017, isip pagsunod sa hiningusgang kampanya batok sa ginadiling druga sa kasamtangang administrasyon, ang DDB mipagawas sa Board Regulation No. 2, serye sa 2017, nga nagwagtang sa paragraph 2 ug 3 sa Section II sa Board Regulation No. 2, serye sa 2004, ug mibutang og laing paragraph 2: Any government official/employee found positive for use of dangerous drugs shall be subjected to disciplinary/administrative proceedings with a penalty of dismissal from the service at first offense.
Sa kasamtangan, wala pay mikwestyon ning maong paragraph 2, Section II, DDB BR No. 2, s. 2004. Sa ato pa, as of now, matangtang gayod ang local elective official nga nag-positive sa illegal drugs. Apan mahimo kining kwestyonon all the way to the Supreme Court. Lakip unya sa argumento sa gitangtang nga opisyal mao nga ang regulasyon sa DDB dili maka-overcome sa mandato gikan sa katawhan.
Alang sa inyong mga pangutanang legal, mahimo kamong mo-text sa 0916-664-7624.