Brigada Balaod 2020.02.23 (Sunday)
WALAY ONE HOUR BREAK
Good day Atty. Vince. Ako si Paterno. Naa ko problema bahin sa akong company. 21 years nakong nagtrabaho. Mao ni akong problema, gikan pagsugod nako og work ang among time in 8:30 am unya ang time out is 5:30 pm. Unya sa akong payslip 8 hours ra man ang ila gibayaran nako. Di ba dapat 9 hrs. man kana? Ang tanong ko Atty., kung masisingil ko ba ang 1 hour everyday wala naman akong 1 hour break. Salamat ng marami Atty. Vince. God bless.
*
Dear Paterno,
Ang nakabutang sa atong balaod, sa sulod sa walo ka oras nga pagpanarbaho, may usa ka oras nga lunch break human sa upat ka oras. Mahimo ang lunch break nga ubos sa usa ka oras apan obligado ang employer nga mo-consider niini isip worked time. Sa ato pa, sa inyo sitwasyon, 9 ka oras gayod ang inyong trabaho. Ang usa ka oras matag adlaw ikonsidera nga overtime. Makadawat ka og additional nga 1/8 sa inadlaw nga sweldohan pun-an og 25% niini.
Hinuon, tungod sa konsepto sa prescription, ang overtime lamang nimo sa miaging tulo ka tuig ang imong ma-claim. Ang lapas sa tulo ka tuig dili na.
Mahimo kang moduol sa Department of Labor and Employment (DOLE) o sa Regional Arbitration Branch (RAB) sa National Labor Relations Commission aron matabangan ka.
Hinaot nakatabang kini kanimo.
– Atty. Vince
***
I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.