Dear Atty. V,
Ako diay si Oscar. Usa ko ka yanong trabahante sa usa sa mga patigayon sa Dakbayan sa Sugbo. Sukad pagkabata nako, kontento na gyod ko sa simpol nga kinabuhi – basta lang makakaon, may kapuy-an, ug may ikasul-ob, alang kanako okey na. Ang bugtong kalipay ko ra gyod nga dili kinahanglan (need) apan kagustohan (want) mao ang mga libro.
May girlfriend ko nga si Coleen. Driven kaayo siya nga pagkababaye, Brigada Balaod, ug kanunay siyang naninguha nga mapaugmad pa ang iyang kaugalingon. Maong last year, milupad siya sa abroad aron pag-eskwela pa og dugang. Apan didto tingali namatngonan niya nga wala gyoy komon nga ugma alang kanamo ug nakigbuwag siya kanako.
Ang akong pangutana, Brigada Balaod, mao nga may katungod ba ko nga mokuha og balik sa mga libro nga atua karon sa inahan ni Coleen? Nagbubasa ko og sa akong sabot, wala na gyod koy katungod kay personal property man kadtong mga libroha ug ang naghupot ato presumed nga maoy tag-iya. Sakto ba ang akong sabot?
Daghang salamat.
*****
Dear Oscar,
Sakto ka, ang naghupot sa usa ka personal nga kabtangan presumed nga maoy tag-iya niini. Apan kini disputable presumption ug pwede nimong ma-kwestyon sa korte.
Kon bililhon gayod ang maong mga libro alang kanimo, mahimo kang mopasaka og kaso nga gitawag og replevin. Dayon, tagsa-tagsahon mo pag-identify ang mga libro, lakip na ang explanation giunsa nga naimo kini (i-attach ang resibo kon duna pa), ug unsa mang identifying marks sa libro nga magpakita nga ang maong libro imoha gayod (pananglitan dunay pirma nimo sa usa ka panid). May tsansa nga i-grant sa imoha sa korte ang writ of replevin.
Hinaot nakatabang kini kanimo.
– Atty. V
*****
I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.