Dear Atty. V,
Ako si Beverly usa sa mga listeners sa Brigada News FM Toledo. Naa lang unta koy mga pangutana. Kaning usa ko ka pensioner sa akong banang namatay, may 3 ko ka bata. Last year naprenda lagi nako ang pension sa usa ka lending last July. Then atong April karon nga year pandemic man wala silay open naa nila ang akong passbook. Quarantine man tanan diris Toledo nakahulam tawon ko sa amo ra pod silingan walay income. Pag July ug August pod na quarantine pod mi kay na-positive ako igsoon ug duha ka pag-umangkon, so naka-decide kong withdrawon sa banko. Nagpailis ko og passbok para makakuha ko og kwarta kay walang-wala nami. Ang akong pangutana maka-force bag paningil ang lending nga naa pa tas pandemic? Ako man god nabati sa Brigada until December pa dili makapugos sila. Palihog Atty. kay wala pa koy tarong income sa pagkakaron. Salamat.
***
Dear Beverly,
Pinasubay sa Memorandum M-2020-068, September 18, 2020, gimandoan sa Bangko Sentral ng Pilipinas ang tanang tigpatanto nga ubos sa iyang kontrol nga pinasubay sa Republic Act No. 11494 (Bayanihan to Recover as One Act), Sec. 4(uu), may one-time 60-day moratorium sa pagkolekta sa mga utang nga mo-due from September 15, 2020 ngadto December 31, 2020.
Ang gipasabot niini nga may duha ka bulan sukad sa pag-due sa bayranan aron imo kining mabayran nga walay penalties. Pananglitan, may bayranan ka sa September 30, 2020. Dili ka pabayron og penalties kon bayran mo kini sa mosunod nga 60 ka adlaw, sa ato pa, hangtod November 30, 2020. Apan kon sa December 1 mo na kini bayran, mahimo nang mo-impose og penalties ang nagpatanto.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.