Dear Atty. V,
Naikag ko nga mopadala aning akong text-pangutana kay nakabasa man ko nga imong gitubag ang pangutana kabahin sa gihimo sa abogado sa nangutana. Ang ako gong problema, Attorney, duna mi gamayng luna didto sa isla unya na-buruka. Kani laging gamhanan ang among atbang gipangkuot ang among abogado maong naabot mis ikaupat nga abogado. Ang amo kontra mikiha namo didto sa korte apan ultimately napa-dismiss sa among ikaupat nga abogado sa Court of Appeals ang kaso ug nakakuha kami og Entry of Judgment. Meanwhile, duna pod mi kaso batok nila didto sa DARAB, ug kay nagpahibalo man namo ang among ikaupat nga abogado nga mosulod na siya sa gobyerno, amo siya gipangayoan og withdrawal sa maong kaso. Apan dili kuno siya ka-withdraw kay wala siya ka-file og entry of appearance sa maong kaso. Sakto na god na siya Attorney? Nga siya may amo abogado sa maong mga kaso?
Salamat.
***
Dear Texter,
Ubos sa atong Rules of Court, at any time, pwedeng i-dismiss sa kliyente ang abogado, for any reason. On the other hand, ang abogado makabiya sa kaso ubos sa pipila ka sitwasyon, lakip na ang pagsulod sa gobyerno.
Dili kaayo tataw kanako kon tinuod ba nga wala maka-file og entry of appearance ang inyong abogado sa kaso sa Department of Agrarian Reform Adjudication Board. Kon tinuod nga wala siya maka-file, nan klaro nga wa siyay responsibilidad nga mag-file og withdrawal. Gani, kon akoy arbiter o commissioner, inigkadawat nako sa notice of withdrawal, ako ra na isyuhan og order nga noted without action, kay dili man siya counsel of record.
Apan kon naka-file siya og appearance, mas maayo gyong mo-file siya og withdrawal. Apan dili kini required. Sa pagsulod niya sa gobyerno considered withdrawn na siya. Gani, mahimo nga magsumiter kamo sa DARAB og manifestation nga dili na siya ang inyong abogado sa maong kaso.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.