Dear Atty. V,
Ako si Ellaine. Napamabdosan ko sa akong ex-boyfriend ug nanganak niadtong pagsugod sa Oktubre. Karon kay buot ko nga ang akong apelyido ang gamiton sa bata, apan ang iyang amahan gusto pod nga ang iyang apelyido ang angay gamiton. Naa koy nabasahan nga kon gi-recognize sa amahan ang bata, ang apelyido niya ang gamiton. Sakto ba kini Attorney?
— Ellaine
*****
Dear Ellaine,
May bag-ong rules ni regarding sa apelyido sa usa ka illegitimate child. Kon sa una enough lang nga gi-recognize siya sa amahan aron makagamit sa apelyido sa amahan, karon ang rules nagkanayon nga sa bata nga 0 ngadto sa 6 ka tuig, bisan gi-recognize sa amahan, kon wala mo-execute og Affidavit to Use Surname of the Father (AUSF) ang inahan, ang apelyido gihapon sa inahan ang gamiton. Sa ato pa ang imong apelyido ang gamiton nianang bataa kay dili man kaha ka mosugot nga ang apelyido sa amahan ang gamiton so dili ka mo-execute og AUSF.
Iniglapas sa 6 years old sa bata, mahimo siyang mo-execute og AUSF aron mausab ang iyang apelyido ngadto sa iyang amahan, apan kinahanglan kinig attestation sa inahan, o, kon dili mosugot ang inahan, pinaagi sa usa ka kaso diin ang bata dunay mobarog nga guardian ad litem (for the case only) nga pwede ang amahan.
Inig 18 pataas, pwede na siya mo-execute og AUSF nga siya lamang.
Sa ato pa, karong panahona, ang illegitimate child bisan pag gi-recognize sa amahan mahimong ang apelyido sa inahan ang gamiton.
Hinaot nakatabang kini kanimo.
— Atty. V
*****
I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.