Dear Atty. V,
Naa koy higala duha ka tuig kapin sila bulag sa iyang bana. Tua na sa Manila ang iyang bana may kapuyo na nga laing babaye. May duha sila ka anak 10 ug 15 anyos ang panuigon. Kasado sila sa huwes. Karon kay di man mosustento ang iyang bana gusto niya nga malegal ang ilang panagbulag maong mipasaka siya og abandonment pero wala pa kuno madawat didto. Kinahanglan ba gyod na nga madawat didto Attorney?
***
Dear _________,
Ang kasong abandonment usa ka kasong kriminal. Mahimo kining basehan sa legal separation, nga maoy legal nga aksyon sa panagbulag, apan in and by itself nga gidala sa korte ang abandonment wala magpasabot nga wala nay obligasyon ang managtiayon nga magpuyo sa usa ka bubong.
Kon tinuod nga wala gayod madawat ang subpoena sa abandonment nga kaso, mo-proceed gihapon ang preliminary investigation niini.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.