Dear Atty. V,
Ang ako ka live-in nga girl nanguwag og lain unya nag-ipon na sila og namabdos pa gyod siya. Naa mi anak duha, 8 ug 5 ang edad. Makakiha ko sa ako former ka-live in ug sa iyang bag-ong partner Atty?
***
Dear Texter,
Unfortunately since dili man mo kasado, wala kay cause of action batok sa imong former live in partner ug busa dili ka kakiha niya ingon man sa iyang bag-ong partner.
Ang rason nganong ang usa ka bana may cause of action batok sa usa ka asawa nga nagmaluibon mao nga may katuyoan ang atong estado nga manginlabot sa kaminyoon. Ang giingong rason nga ang bana sa usa ka asawa nga makighilawas sa laing lalaki makapasaka og kaso batok sa asawa mao nga may katuyoan ang estado pagseguro nga ang gimabdos sa usa ka babayeng minyo iyaha gayod sa bana, kay mahimo man nga manununod sa bana ang maong bata. Tungod sa modernong pamaagi sa birth control, dili na kini sama kabug-at nga rason, apan mao pa gihapon ang atong balaod.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.