Dear Atty. V,
Tawga lang ko sa ngalang Lyka. Duna koy gikiha og rape. Actually ang ako gyod uyoan ang gusto nga ikiha sila kay matod sa ako uyoan pangwartahan ang ako uyab. Actually dili gyod mi uyab. Fling-fling lang ba. Maayo man god kaayo siya mopalami Attorney maong gusto ko makat-on sa tanan niyang itudlo. Naunsa ba nga nasakpan man mi kausa mao tong napriso siya. Karon kay gusto ko nga moatras na sa kaso Attorney. Ang iyang abogado naay gihatag nako nga Affidavit of Desistance. Ang akong pangutana dili ba mi madaot ani Attorney? Misaad man nuon sila nga dili mobalos og kiha, apan wala ba gayod silay basis para mokiha? Salamat.
***
Dear Lyka,
Kay gi-assisan man og abogado ang imong gikiha, I would presume nga ang gihimong Affidavit of Desistance aron pirmahan nimo wala gyod mag-ingon nga bakak ang imong gisulti didto sa complaint, apan nga human sa imong paghunahuna gusto ka nga moatras sa kaso. Sa ato pa, dili ka makiha og perjury.
Walay problema nga mo-execute ka og Affidavit of Desistance, ug walay makapugong nimo niini. Bisan tuod sa krimen ang estado ang tinuod nga gi-violate sa akusado, katungod mo usab nga dili pakauwawan ang imong kaugalingon diha sa korte.
Dalha ang imong Affidavit of Desistance sa piskal og panotaryohi. Dayon ihatod kini sa abogado sa akusado aron siya nay mahibalong mopasaka niini sa korte.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.