Dear Atty. V,
Tawga lang ko sa ngalang Devine. Nagtrabaho ko sa usa ka pribadong eskwelahan. Tungod sa pandemic na-reduce gyod ang among enrollment ug matod sa HR naglisod ang among cash flow. Mao nga gi-meeting mi sa admin ug gipapirma nga mosugot mi nga i-stagger lang within the next six months hangtod April 2021 ang among 13th month pay. Dili ko ganahan mopirma kay nagkinahanglan baya pod ko sa kwarta. Karon giingnan ko sa principal nga kon di ko mopirma ma-insubordination ko. Unsay angay nakong buhaton Attorney?
***
Dear Devine,
Ang giingon sa atong balaod, kinahanglang sa December 24 o earlier mabayran na ang total nga 13th month pay. Pwede i-stagger pero dapat mahuman na by December 24. Sa ato pa sakto ka sa wala nimo pagpirma.
Hinuon katong mipirma, kon kabubut-on gyod to nila, dili na pod sila makareklamo sa eskwelahan. Siyempre ma-waive nimo kanus-a ka magpabayad sa 13th month pay.
Tungod kay katungod man na nimo nga mabayran entero sa 13th month pay on or before December 24, dili gyod mahimong insubordination ang wala nimo pagpirma niini. Kon i-penalize gyod ka tungod sa wala nimo pagpirma adto sa Regional Arbitration Branch sa National Labor Relations Commission aron moreklamo.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.