Dear Atty. V,
Naa lang unta koy pangutana. Ang akong anak akusado sa pagpatay sa among silingan. Karon kay mi-execute og affidavit of desistance ang asawa sa gipatay. Gi-present siya sa Public Attorney pero wala mosugot ang korte nga i-dismiss ang kaso. Gi-orderan gihapon niini ang fiscal nga mo-present og witnesses. Karon nagpadayon gihapon ang kaso. Mahimo diay na Attorney? Si Luisa diay ni.
***
Dear Luisa,
Human na-file na sa korte ang kaso, ang korte na maoy may jurisdiction sa kaso. Sa usa ka criminal case, ang private offended party usa lamang ka witness alang sa estado, kinsa maoy real offended party kay ang mga krimen ang kagamhanan man ang tinuod nga nasad-an.
Sa ato pa, mahimong dili ipa-dismiss sa korte ang kaso.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.