Dear Atty. V,
Naa lang koy pangutana bahin sa yuta nga among gibalayan sa una gagmay pa mi didto mi nagdako. Unya naguba na kay milangyaw ming pamilya sa Manila. Niadtong1990 nauli si Mama kay namatay among Lola wala siya ikaplete, busa naay mi-offer ako ig-agaw pahulam sa iyaha 5k atong tuig 1995 to 1998 guro to unya napun-an na pod og 5k between anang tuiga. Milabay ang usa or duha ka tuig wa pa makabayad. Iya na lang giingnan si Mama nga iprenda ang among gibalayan nga yuta sa probinsiya, lukaton unta atong year 2005 pero di mosugot kay 30 thousand kuno nya nadakoan ra mao wa ganahi ako manghod molukat nanluod kay ig-agaw ra namo pag umangkon sa tag-iya. Karon lukaton na nako sa kantidad nga ila giingon, di mosugot kay kulang na kuno ang 30 sa gidugayon. Ang gipirmahan ni Mama sa una gamay nga papel lang. Unsa may maayong aksiyon ani palihog tambagi ko.
***
Dear Texter,
Ang yuta usa sa mga butang nga gikinahanglan may sundon nga proseso sa pagpalit ug pagbaligya.
Wala nimo hisgoti unsa gayoy naa sa papel nga gipirmahan sa imong inahan apan mihisgot ka og prenda. Ang mortgage usa ka secondary contract nga ang underlying contract usa ka kontrata sa pag-utang. Kon mao gayod kadto ang papel nga gipirmahan sa imohang inahan, dili mahimong largohon nila pag-angkon ang yuta nga dili moagi sa proseso pag-adto sa korte o extrajudicial foreclosure.
Basin usab contract to sell with right to repurchase ang gipirmahan sa imong inahan. Kon sa maong sitwasyon, kuli na nga mabalik pa sa inyo ang yuta.
Hinaot nakatabang kini kanimo.
– Atty. V