Ang preliminary investigation, diin tagaan og tsansa nga motubag sa sumbong ang gireklamo sa dili pa dalhon sa korte ang kaso, usa ka importanteng kabahin sa konsepto sa due process.
Matod pa sa Section 3(a) sa Rule 112 sa Rules of Court: Section 3. Procedure. — The preliminary investigation shall be conducted in the following manner: (a) The complaint shall state the address of the respondent and shall be accompanied by the affidavits of the complainant and his witnesses, as well as other supporting documents to establish probable cause.
Apan naay mga reklamante nga magminaro, ug dili ibutang ang hustong address sa gireklamo. Nagsalig sila kay wala sa rules nga gi-require nga mohatag sa saktong address sa gireklamo ang reklamante: Section 3(d) If the respondent cannot be subpoenaed, or if subpoenaed, does not submit counter-affidavits within the ten (10) day period, the investigating officer shall resolve the complaint based on the evidence presented by the complainant.
Sa ato pa, kon dili maabtan sa subpoena ang gireklamo kay sayop nga address ang gibutang, mopadayon gihapon ang fiscal pag-resolve sa kaso. Ug tungod kay wa may ebidensya from the side of the respondent, molusot gyod ang kaso usually.
Okey ra ni kon gagmay lang nga kaso, bailable. Kay pwede man mopyansa nya questionan na lang adto sa korte ang ebidensya. Apan unsaon kon ang tawo gikasohan og Murder o Rape, mga non-bailable offenses? Dili baya ingon ana kasayon ang pag-grant sa bail, kay moagi pa kini og hearing. Ang kinamub-an nako nga na-grant nga bail, upat ka bulan (swerte), apan may mga bail hearing ko nga mikabat nag pila ka tuig.
Maayo untag matan-aw ni nga isyu sa atong Korte Suprema. (Ang piskaliya ubos sa Department of Justice, apan ang Rules of Court ang Supreme Court ang nag-set.) Gikinahanglan na nga usbon kining maong rule, kay daghan ang nahasol niini. Ang Kongreso mahimo usab nga mag-criminalize sa willful deception sa address sa respondent.
Alang sa inyong mga pangutanang legal, text sa 0916-664-7624.