Usa sa mga basic requirement sa pagpasaka sa kaso mao ang standing sa mipasaka. Sa ato, duna bay katungod nga modangop sa piskaliya (kon kasong kriminal) o sa korte diretso (kon kasong sibil) ang mipasaka sa kaso. Kon walay katungod ang mipasaka, angayang i-dismiss ang kaso.
May mga kasong kriminal nga specific gyod kon kinsay mokiha. Pananglitan, sa adultery ug concubinage, ang offended party lamang (ang bana sa adultery ug ang asawa sa concubinage) ang makakiha – walay labot ang silingan o bisan ang pamilya sa offended party. (Dili pod nga ang bana o asawa lang ang ikiha o kabit; kinahanglan ang offender spouse ug ang kabit gyod. May mga asawa nga moduol kanako aron magpatabang sa pagkiha sa kabit sa ilang bana alang sa kasong concubinage pero dili gusto iapil ang bana.)
Ang mga kasong seduction, abduction, ug acts of lasciviousness, duna poy ilang rules: The offenses of seduction, abduction and acts of lasciviousness shall not be prosecuted except upon a complaint filed by the offended party or her parents, grandparents or guardian, nor, in any case, if the offender has been expressly pardoned by any of them. If the offended party dies or becomes incapacitated before she can file the complaint, and she has no known parents, grandparents or guardian, the State shall initiate the criminal action in her behalf. (Sec. 5, Rule 110, Rules of Court)
Kon ikaw gikiha, usa kini sa angayan nimong lantawon og una. Kinsa bay mikiha? May katungod ba siya nga mokiha? Kon wala, ground for dismissal kana.
Hinuon, ang tendency sa mga balaod karon mao ang pag-liberalize sa mga probisyon kon kinsa ang makakiha. Pananglitan, sa Republic Act No. 9262, o ang Anti-Violence Against Women and Their Children Act, ang protection order mahimong mapasaka ni bisan kinsa ning mosunod: (a) The offended party; (b) Parents or guardians of the offended party; (c) Ascendants, descendants or collateral relatives within the fourth civil degree of consanguinity or affinity; (d) Officers or social workers of the DSWD or social workers of local government units (LGUs); (e) Police officers, preferably those in charge of women and children’s desks; (f) Punong Barangay or Barangay Kagawad; (g) Lawyer, counselor, therapist or healthcare provider of the petitioner; (h) At least two (2) concerned responsible citizens of the city or municipality where the violence against women and their children occurred and who has personal knowledge of the offense committed.
Alang sa inyong mga pangutanang legal, mahimo kamong mo-text sa 0916-664-7624.