Dear Brigada Balaod,
Tawga lang ko nga Marianne. Ang akong pangutana kabahin unta sa pagpakauwaw kanako sa Facebook sa asawa sa akong kapuyo. Wala baya gyod ko kahibawo nga minyo diay siya Attorney, ug dali ko siyang gibuwagan dihang nahibaw-an nako nga kasado diay siya sa lain. Ang iya man god gihimo, Attorney, gi-grab niya ang ako profile picture unya gibutangan og “homewrecker, kabit ni sa akong bana”. Gi-tag pa gyod ko maong nakit-an sa akong mga kaila. Buot unta nako siyang ikiha apan tua man siya sa Bohol, Attorney. Unsa may angay nakong buhaton?
– Marianne
***
Dear Marianne,
Defamatory gayod ang gibuhat sa asawa sa imong kapuyo kanhi, bisan pa kon tinuod kini. Labi na gayod nga usa ka ka pribadong indibiduwal ug gibuwagan mo dayon ang imong kapuyo dihang nahibaw-an mong minyo siya.
Di ka angay mabalaka nga taga Bohol siya. Ang venue sa libel alang sa usa ka private individual sama kanimo sa imong actual residence dihang gi-libel ka. Pananglitan kon nia ka sa Cebu City karon, sa piskaliya sa Cebu City nimo isang-at ang imo kaso.
Hinaot nakatabang kini kanimo.
– Atty. Vince
***
I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.