Dear Atty. V,
Tawga lang ko sa ngalan nga Je. Kaning luna nga among gipuy-an karon sakop ni sa timberland gitrabaho ni sa among amahan. Niadtong 1965 siya nagsugod og ugmad aning yutaa daghan kaayo siya og tanom nga mga kahoy, lubi, ug mangga. Patay na ang among amahan karon ug ang iyang gipananghiran aning luna nga iya kining trabahoon. Naa siyay mga anak duha ka buok. Gusto nila putlon ang kahoy nga tanom sa among amahan. Makapugong ba mi nga dili namo ipaputol ang maong mga kahoy? Salamat.
***
Dear Je,
Oo, makapugong mo nga dili maputol ang maong mga kahoy.
Generally, the accessory (sama sa mga tanom) follow the principal (yuta). Sa ato pa, kon kinsay tag-iya sa yuta presumed nga mao usay tag-iya sa tanom. Apan sa inyong sitwasyon, ang gipananghiran sa imong amahan dili usab makaangkon sa yuta kay timberland man kaha kini. Unless ang gipananghiran sa imong amahan dunay stewardship contract nga mitugot og subleasing o tenancy, violation sa iyang stewardship contract ang pagpaugmad sa imong amahan. Sa ato pa dili gayod kadto maadto sa iya ang mga kahoy. Kon wala maadto sa iyaha, nan walay maadto sa iyang mga anak.
Ang labing maayong buhaton ninyo, moduol kamo sa barangay o di ba kaha sa Municipal Agrarian Reform Officer.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.