Dear Atty. V,
Pwede ko mangayo og advice sa problema sa among iyaan kabahin sa iyang birth certificate? Ang daan niya nga birth ang iyang gamit hangtod grade 4. Pero ang iyang gamit pagkadalaga na niya ang usa niya ka name nga wala nakarehistro. Kini poy gigamit niya pagkasal ingon man sa certificate of live birth sa iya mga anak. Mahimo bang mao na lang gyod ni iya gamiton Attorney?
***
Dear Texter,
Ang estado dunay interes sa stabilidad sa atong sistema sa mga ngalan. Mao nga estrikto ang atong balaod niini. Ang ngalan mo nga nakarehistro sa imong Certificate of Live Birth mao ang imong ngalan gawas na lamang kon may kasugoan ang korte nga mausab kini. (Kon wrong spelling lang mahimong ang Local Civil Registrar lamang.)
Busa dili mahimo ang buot sa imong iyaan gawas na lamang kon ang karaan niyang ngalan malaw-ay ug salikwaot. Apan bisan pa kinahanglan kini nga moagi sa korte.
Ang angay niyang buhaton moadto siya og abogado aron matabangan nga ma-file sa korte ang gikinahanglang mga petisyon aron mausab ang iyang certificate of live birth (if qualified) o ang iya certificate of marriage ug ang certificate of live birth sa iyang mga anak.
Hinaot nakatabang kini kanimo.
– Atty. V
**
I-text ang inyong mga pangutanang legal sa 0916-664-7624. Walay bayad ang among pagtubag.