Dear Atty. V,
Usa ko sa kanunay nagsunod ning inyong newspaper ug ingon man sa Brigada News FM. Ang akong pangutana kabahin sa akong amahan nga nangabit Atty. Nagsalig lang siya kay bedridden na ang among inahan. Mag golden anniversary na man unta sila sa kaminyoon apan pagkadukirok gyod. Dili na ganahan mokiha ang akong inahan kay lagi bedridden na siya. Mahimo bang kaming mga anak ang mokiha?
– Niña
*****
Dear Niña,
May duha ka kaso nga pwede ikiha sa usa ka bana nga nagluib sa kaminyoon: concubinage ug violation sa R.A. No. 9262 kun Violence Against Women and Their Children (VAWC).
Ang concubinage reserbado nga makiha sa imong inahan. Wala kamoy katungod nga mopasaka niini.
Ang VAWC mahimong mapasaka ninyo apan gikinahanglan ninyo nga mapa-testify ang inyong inahan. Sa ato pa lisod gyod ang inyong sitwasyon.
Hinaot nakatabang kini kanimo.
– Atty. V
(Note: This was an article for Brigada Balaod, a column I had with the Brigada Newspaper Visayas Edition from September 2019 to August 2022.)